Rio Mandeo, Turismo, Aranga, Bergondo, betanzos, Cesuras, Coiros, Curtis, Irixoa, Oza dos ríos, Paderne

nuevas altas Jazztel Atencion al cliente - Contrata con jaztel adsl de 20 megas JAZZTEL Atencion cliente jazztel
Está vostede en:Educación e Formación / Xornada da Conca Fluvial e Desenvolvemento Sostido

Recomendar

  • Nome de amigo
  • E-mail de amigo
  • O teu nome

Xornada da Conca Fluvial e Desenvolvemento Sostido

A Xornada realizarase na Sede da Deputación o xoves 28 de xuño. O prazo de preinscrición finaliza o luns 25 de xuño.

Unha das accións do Proxecto Mandeo contemplou a oportunidade de elaborar un documento de análise e reflexión sobre a posibilidade de desenvolver estratexias de xestión sustentable nunha conca fluvial. O resultado da devandita acción é o libro: "Río Mandeo. Conca fluvial e desenvolvemento sustentable".

Obxectivos

O obxectivo principal da xornada é, en primeiro lugar, dar difusión ao libro "Río Mandeo. Conca fluvial e desenvolvemento sustentable". Libro que reúne os puntos de vista de diferentes colectivos de expertos vinculados dunha forma ou outra coa xestión da auga nunha conca fluvial.

Xestores e técnicos das administracións, profesionais de empresas xestoras e de consultoras, ademais de profesores e investigadores universitarios, elaboraron textos sobre diferentes factores ou ámbitos que teñen influencia sobre a xestión sustentable da auga.

A xornada está configurada para que os autores dalgúns dos capítulos máis centrados ou orientados á conca do río Mandeo presenten, de forma resumida, as ideas e enfoques que incorporaron nos seus respectivos capítulos.

O libro, como non podía ser doutra forma, é multidisciplinar. A posibilidade de reunir a moi diferentes especialistas a contar, escoitar e debater enfoques e ideas doutros campos alleos ao propio é tamén unha oportunidade enriquecedora e interesante que ofrece a xornada.

A quén vai dirixido?

* Membros das corporacións locais responsables dos temas ambientais ou do desenvolvemento de Axendas 21 Locais
* Técnicos da administración relacionados coa auga.
* Técnicos de medio ambiente das administracións.
* Empresas consultoras de enxeñaría. Empresas de xestión do ciclo da auga urbano.
* Estudantes.

  •  
Deputación de A Coruña. Alférez Provisional nº 2, 15006 A Coruña
Tfno: 981 080 300 - info@mandeo.com
powered by paginasweb.es